داليا القاسم
الفراشة كخيط بصري مستمر
استخدمت الفراشة كعنصر متكرر يربط أجزاء البورتفوليو ببعض. وفي عرض الأعمال وظّفت فراشة للتعبير عن السوق السعودي وأخرى للسوق المصري.
شوف البورتفوليو الأصلي
بورتفوليو يشبهك، مش نسخة من غيرك
أنا رقية، بصمم بورتفوليو يعرض شغلك بطريقة واضحة، وبفكرة بصرية مناسبة لشخصيتك ومجالك.
بنبدأ بفهم المطلوب
قبل التصميم، بنشوف هتستخدم البورتفوليو في إيه، ومين هيشوفه، وإيه المحتوى المتاح عندك. لو عندك فكرة أو ريفرنس، بنناقشه ونشوف إزاي نترجمه لتصميم يناسبك، وإيه اللي ممكن يتنفذ في الصيغة المختارة.
الفكرة مش مجرد كفر؛ الألوان والعناصر والفواصل بتكمل مع بعض لحد آخر سكشن.
ويب سايت ولا PDF؟
بورتفوليو ويب على Canva
موقع بورتفوليو على Canva، يفتحه العميل برابط ويتنقل بين أقسامه وأعمالك. مناسب لو عايز تبعت شغلك كرابط وتربط نماذجك بصفحاتها.
بورتفوليو PDF
ملف PDF بيتصمم على Illustrator أو Canva حسب الاتفاق، بتنسيق ثابت تقدر تبعته أو تحمّله. ممكن يتضمن فهرسًا وروابط قابلة للضغط حسب المحتوى والتصميم المتفق عليه.
اختيار ويب لا يعني تطوير موقع بخصائص مفتوحة أو برمجة خاصة. الوظائف والروابط المطلوبة بنحددها قبل التنفيذ.
إيه اللي ممكن نضيفه؟
مش لازم كل الأقسام تكون موجودة. بنختار اللي يخدم شغلك، ونتفق على محتوى وطريقة عرض كل سكشن.
01
نبذة عنك
مين إنت، تخصصك، وخبرتك المرتبطة بالشغل اللي بتقدمه.
02
الخدمات
بتقدم إيه تحديدًا، وإزاي نعرضه في نقاط واضحة.
03
الأرقام والإنجازات
قسم اختياري يوضح خبرتك وأثر شغلك، مش شكله بس. بنفرق بين أرقام الخبرة، زي سنين الشغل وعدد البراندات والمجالات والأسواق، وبين نتائج فعلية زي زيادة التفاعل أو المبيعات، لما تكون موثّقة ومرتبطة بشغلك. إنت بتوفر الأرقام وأدلتها، ودوري تصميمها وعرضها بوضوح، مش إجراء تحليلات أو اختراع إحصائيات أو وعود بنتائج.
04
نماذج الأعمال
نختار الشغل المناسب ونقسمه حسب نوعه أو المجال أو السوق، مع روابطه لو موجودة.
05
آراء العملاء
نضيف التقييمات الحقيقية المتاحة عندك، لو حابب تظهرها.
06
الشهادات
قسم اختياري للشهادات المرتبطة بمجالك.
07
المجالات والأسواق
لو عندك أعمال في مجالات أو دول مختلفة، ممكن نفصلها في سكشن مناسب.
08
التواصل
ختام واضح بروابط التواصل اللي تختارها وتعتمدها.
كل فكرة ليها تطبيق مختلف
دي أمثلة لبورتفوليوهات صممتها لعملاء. دوري هنا تصميم البورتفوليو وعرض محتواه؛ الخدمات والأعمال الموجودة داخله تخص صاحب البورتفوليو.
ندى الشاملي
من اختيار البحر إلى تفاصيل السكاشن
البداية كانت صورة بحر اختارتها العميلة. أخذت منها التموجات للفصل بين السكاشن، وكملت بالفراشات عبر التصميم. وفي قسم الدول، كل فراشة حملت علم دولتها. وختام التواصل رجع لنفس روح الكفر.
شوف البورتفوليو الأصلي
شوقي زغلول
نظام بصري بطابع تقني
كان المطلوب اتجاه يعبر عن فكرة النظام. استخدمت خطوطًا رفيعة ونقاطًا مترابطة مع تقسيم واضح للمحتوى، بدل الاعتماد على قصة أو عنصر رمزي مثل الفراشة.
شوف البورتفوليو الأصلي
رفيدة
قصاصات الورق في ملف PDF
العميلة اختارت صيغة PDF واتجاه قصاصات الورق. وظّفت الفكرة في أجزاء البورتفوليو حتى يفضل العرض مترابطًا، مش كفر مختلف عن باقي الملف.
شوف البورتفوليو الأصليالسعر بيتحدد على أساس إيه؟
عرض نبذة وخدمات بشكل بسيط غير عرض نماذج كثيرة، أو تقسيم مجالات وأسواق، أو تنفيذ عناصر بصرية خاصة بكل سكشن. عشان كده مفيش رقم واحد ينطبق على كل البورتفوليوهات.
- الصيغة المطلوبة: ويب، PDF، أو نسختان بنطاق واضح.
- عدد السكاشن وحجم المحتوى ونماذج الأعمال.
- جاهزية النصوص والصور والروابط، وما يحتاج ترتيبًا أو تجهيزًا.
- تفاصيل الفكرة البصرية وطريقة عرض كل قسم.
بعد مراجعة المطلوب، بنتفق على نطاق التنفيذ والسعر والمدة والتعديلات والتسليم قبل البداية. كتابة المحتوى أو ترجمته أو أي إضافة مش بتُعتبر ضمن التصميم تلقائيًا؛ لازم تتحدد في الاتفاق.
عشان نحدد المطلوب
ابعتلي مجال شغلك، وعايز البورتفوليو ويب ولا PDF، والمحتوى والنماذج المتاحة عندك. ولو فيه شكل أو إحساس معين حابه، ابعته مع أي ريفرنس. بناءً على ده، نحدد السكاشن والاتجاه البصري ونطاق الشغل المناسب.